Certame lliterariu La Caleya 2015

Certame Asturica

 

La Caleya convoca un añu más el certame lliterariu centráu nesta ocasión na narrativa.  Ye una escelente noticia la continuidá del concucursu, l’únicu qu’esiste na actualidá dedicáu al llionés, y que tenga l’apoyu d’una institución gobernada pol PP. La mia norabuena a La Caleta pol sou trabayu en favor de la llingua y de las nuesa lletras. Velequí las bases del certame:

 

1. Pueden participar tolos ciudadanos de la Unión Europea a títulu individual y con un únicu trabayu en cada modalidá.

2. Los trabayos tienen que tar escritos en llionés; almítese cualquier variedá dialectal del dominiu llingüísticu asturllionés, ensin escaecer que’l mirandés de Portugal ye parte d’él.

3. El tema, nesta convocatoria, ye llibre masque se valorarán especialmente los trabayos al rodiu de la idea: Los nuesos remedios naturales tán ehí.

4. La obra tien que ser orixinal, inédita y non galardonada anteriormente en nengún concursu lliterariu nin con outru premiu o distinción.

5. Na forma será la del rellatu breve.

6. La estensión máxima del rellatu ye de 10 páxinas.

7. La presentación tien que s’axustar a las normas vinientes:

a. Cuatro copias en formatu DIN A4 escritas en lletra Times New Roman 12 y impresas por una sola cara y una copia informática del testu.

b. Las páxinas debidamente numberadas y grampadas.

c. Na portada consignaráse, únicamente: CERTAME LLITERARIU ASTURICA 2015, el títulu de la obra y el nomatu del autor.

d. Nun sobre zarráu identificáu col nomatu y títulu del trabayu, incluiráse una ficha conos datos del participante, (nome y apellidos, señas completas, corréu electrónicu y teléfonu de contautu) y una fotocopia del DNI.

8. El plazu de presentación termina’l 29 febreiru de 2016 y los trabayos tienen que s’unviar a:

Certame Lliterariu Asturica

Ayuntamientu d’Estorga

Plaza España 24700 Estorga (Llión)

Considéranse recibíos dientro’l plazu los trabayos que lleven no matasellos postal una data non posterior a l’amentada. Nun s’almiten trabayos unviaos por corréu electrónicu.

9. El Xuráu vai formase por destacadas personas del ámbitu de la cultura. La composición del mesmu vai dase a conocer oportunamente y ye competente pa decidir sobre cuestiones relativas a esti Certame y que nun figuren espresamente nestas Bases. El secretariu de La Caleya actúa cumo secretariu del Xuráu con voz y ensin votu.

10. El fallu del Xuráu vai dase a conocer el mesmu día de la entrega de premios, n’actu públicu. Los premiaos habrán de presentase a recoyelos no momentu d’entrega de los mesmos o delegar nuna segunda persona. No casu de nun se presentar perderán la parte económica del premiu.

11. Los participantes desimen a l’asociación convocante de cualquier responsabilidá derivada del plaxu o cualquier outru incumplimientu de la lexislación vixente na que pudieran incurrir los participantes.

12. La Caleya resérvase por cuatro años el dereitu n’esclusiva de la edición de los trabayos premiaos, al igual que los beneficios que puedan siguise darréu. De los exemplares publicaos, entregaránse 5 a caún de los sous autores.

13. El xuráu resérvase la facultá de declarar los premios ermos en casu de considerar que la calidá de los trabayos nun chega al mínimu esixible.

14. Establécense los siguientes premios: Primer premiu rellatos: 400 € y diploma. Segundu premiu rellatos: 100 € y diploma. Tercer premiu rellatos: Diploma y obsequiu. Cuartu premiu rellatos: Diploma.

15. La presentación al Certame implica l’aceptación de las bases. Cualquier circunstancia non prevista nas mesmas resolveráse de forma inapelable por parte del xuráu.

 

 

Anuncios

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s