CERTAME LLITERARIU LA CALEYA ASTÚRICA 2014

CERTAME LLITERARIU ASTÚRICA

 

CERTAME LLITERARIU LA CALEYA ASTÚRICA 2014

Tamos na capital del territoriu onde’l llatín vino a ser la llengua de los ástures. La llengua que’l sou reinu nas dóminas más gloriosas de so estendió más llonxe las suas

llendes y que güei sobrevive malapenas no sou solar natal arrequexau y marxináu polas

que sí tienen el sofitu de las instituciones públicas autonómicas y estatales.

 En sintonía cona teórica reconocencia del llionés pol Estatutu d’Autonomía de Castiella y de Llión y col amparu de la Carta Europea de las Lenguas Minoritarias que tien robráu el Reinu d’España, l’Asociación Cultural La Caleya, col sofitu del Ayuntamientu d’Astorga, convoca una nueva edición d’esti certame lliterariu que creó nel  2007, enque na sua última edición organizóu l’asociación hermana nos oxetivos Faceira. El Certame ye pa obras orixinales en llengua llionesa d’acordias conas siguientes:

 BASES

  1.  Pueden participar tolos ciudadanos de la Unión Europea a títulu individual y con un únicu trabayu que nun seyan ganadores na mesma modalidá (rellatu/poesía) del primer premiu nas cuatro ediciones anteriores d’esti certame. Tampoco nun participarán los miembros de la Xunta Direutiva de l’Asociación.
  1.  Los trabayos han de tar escritos en llionés; almítese cualquier variedá dialectal del dominiu llingüísticu asturllionés, ensin escaecer que’l mirandés de Portugal forma parte d’él.
  1.  El tema, nesta convocatoria, ye llibre masque se valorarán especialmente los trabayos al rodiu de la idea: cada llengua ye un valiosu tesoru de la humanidá.
  1.  La obra tien que ser orixinal, inédita y non galardonada anteriormente en ningún concursu lliterariu nin con outru premiu o distinción.
  1.  Na forma, almítense dúas modalidaes: rellatu breve y poesía.
  1.  La estensión mínima del poemariu ye de 100 versos y la máxima de 250.
  1.  La estensión máxima del rellatu curtiu ye de 10 páxinas.
  1.  La presentación tien que s’axustar a las normas vinientes:

a) Cuatro copias en formatu DIN A4 escritas en lletra Times New Roman 12 y  impresas por una sola cara y una copia informática del testu.

b) Las páxinas debidamente numeradas y grampadas.

c) Na portada consignaráse, únicamente: CERTAME LLITERARIU ASTURICA 2014, (POEMAS / RELLATU CURTIU) el títulu de la obra y el seudónimu del autor.

d) Nun sobre zarráu identificáu col seudónimu y títulu del trabayu, incluiráse una ficha conos datos del participante, (nome y apellidos, señas completas, corréu electrónicu y teléfonu de contactu) y una fotocopia del DNI.

  1.  El plazu de presentación acaba’l 24 xineiru de 2015 y los trabayos tienen que s’unviar a:

 

Certame Lliterariu Asturica

Ayuntamientu d’Astorga

Plaza España

24700 Astorga (Llión)

Considéranse recibíos dientro de plazu los trabayos que lleven no matasellos postal una data non posterior a l’amentada. Nun s’almiten trabayos unviaos por corréu electrónicu.

10.  El Xuráu vai formase por destacadas personas del ámbitu de la cultura. La composición del mesmu vai dase a conocer oportunamente y ye competente pa decidir sobre cuestiones relativas a esti Certame y que nun figuren espresamente nestas Bases. El secretariu de La Caleya actúa cumo secretariu del Xuráu con voz y sin votu.

11. El fallu del Xuráu vai dase a conocer el mesmu día de la entrega de premios, n’actu públicu. Los premiaos habrán de presentase a recoyelos no momentu d’entrega de los mesmos o delegar nuna segunda persona. No casu de nun se presentar perderán la parte económica del premiu.

12. Los participantes desimen a l’asociación convocante de cualquier responsabilidá derivada del plaxu o cualquier otra tresgresión de la lexislación vixente na que pudieran incurrir los participantes.

13. La Caleya resérvase por cuatro años el dereitu n’esclusiva de la edición de los trabayos premiaos, al igual que los beneficios que puedan siguise darréu. De los exemplares publicaos, entregaránse 5 a cadún de los sous autores.

14. El xuráu resérvase la facultá de declarar los premios ermos en casu de considerar que la calidá de los trabayos nun chega al mínimu esixible.

15. Establécense los siguientes premios:

 Primer premiu poesía: 200 € y diploma.

Primer premiu rellatos: 200 € y diploma.

 

Segundu premiu poesía: 100 € y diploma.

Segundu premiu rellatos: 100 € y diploma.

 

Tercer premiu poesía: 50 € y diploma.

Tercer premiu rellatos: 50 € y diploma.

 

Cuartu premiu poesía: Diploma.

Cuartu premiu rellatos: Diploma.

16. La presentación al Certame implica l’aceptación de las bases. Cualquier circunstancia non prevista nas mesmas resolveráse de forma inapelable por parte del xuráu.

Anuncios

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s