Cuentos de La Caleya

cuentos-de-la-caleya.jpg

Dieciséis rellatos de quince autores escribiendo en llionés. Premiaos nel Certame Lliterariu de La Caleya, Asociación cultural que dende Astorga trabaya pola nuesa cultura llionesa y la sua llengua propia. Son testos qu’afitan el resurdir de la lliteratura en llionés. Son promesas d’un futuru brillante pa la cultura lliteraria en llionés, pues son autores mozos, dalgunos d’ellos s’estrenan nesti concursu, inda qu’outros yá foron reconocíos n’outros foros y dalgún tien yá dellas obras espublizadas algamando una acoyida por parte del públicu y la crítica más qu’entusiasta.El dominiu llingüísticu del romance ástur abarca lo qu’orixinalmente foi’l Conventu Xurídicu Ástur enque adelgazáu pol occidente pola mor del avance del gallegu y pol oriente pola presión del castellanu. Como tolas llenguas, la de nueso tien variedaes particulares venceyadas a un territoriu y nomes comarcales pa mentala. Nun hai problema cola diversidá de nomes pa referise a una mesma llengua. La torga sería presentar como dixebrao lo que ye lo mesmo. Nin la diversidá de nomes nin las variedaes internas d’una llengua cuestionan la sua unidá. Tampoco nel nuesu casu la llengua reconoz raya política denguna tando presente nel Principáu d’Asturias, na Rexón Llionesa y na Tierra de Miranda’l Douro en Portugal.L’orixe de los autores representa gran parte de las comarcas de fala llionesa y la suas obras amuesan la riqueza y variedá d’ésta a lo llargo del territoriu dende l’occidente llionés y zamoranu al centru llionés y asturianu.Tanto’l certame como’l llibru contoron col sofitu del Ayuntamientu d’Astorga y de la Diputación de Llión al traviés del Institutu de Cultura Llionesa.Ye’l nuesu deséu qu’esta collaboración siga dando tan buenos frutos nas vinientes convocatorias.

 

La Caleya, asociación cultural pal estudiu y la promoción de tolos rasgos de la cultura propia de Llión, incluyendo la llingua como un aspeutu principal d’ella.Añu 2010.Cellebramos el 1100 aniversariu de la capitalidá llionesa del reinu nel que se desendolcó’l romance de los ástures, el reinu qu’allumó la primer Universidá europea, el reinu nel que surdió’l parlamentarismu, el reinu del Fueru Xulgu y de los fueros de las ciudaes, de la primer carta de derechos y garantías del ciudadanu…Dende Astorga, primer capital de los ástures, que constituirían el asturorum regnum y llueu el Reinu de Llión, y en sintonía cola reconocencia del llionés pol Estatutu d’Autonomía, l’Asociación Cultural La Caleya, col sofitu la Conceyalía de Cultura Tradicional y Valores Autóutonos del Ayuntamientu d’Astorga y del Institutu Llionés de Cultura de la Diputación de Llión, convocó yá cuatro ediciones del sou certame lliterariu pa obras en llionés, almitiéndose testos en cualquiera de las variedaes dialectales del dominiu llingüísticu asturllionés. El tema yera llibre y la obra había de ser orixinal, inédita y nun galardonada anteriormente. Esti llibru recueye las obras premiadas na modalidá de rellatu breve nas duas primeiras ediciones.  

 


Enrique Soto, prólogu del llibru.

Cuentos de La Caleya.  Llión, Lobo Sapiens, 2010

Anuncios

2 pensamientos en “Cuentos de La Caleya

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s