Tinteriu de tierra, d’Abel Aparicio González

tinteriru-de-tierra.bmp

TINTEIRU DE TIERRA

A las manos resquebraxadas cumo los sucos
que cavaban cuñas azadas de la fame.
A las frentes chenas de sudor llimpiadas
cuños pañuelos rotos de puños cerraos.
Vestíos teñíos de ñegru pullu carbón
ñas cocinas chenas de cucharadas de sacrificiu.

A las almohadas que fonon despertadas
por amanecerinos de paya sin granu
ña siembra de gadañas
ños montes d’una posguerra.
A las siestas sin siesta
y a las tardes ñas que la tierra ardiente
recibía un oasis d’augua
de la mesma forma que you los vuesos conseyos.

Al respetu a cada susurru d’aire,
a la caricia de las gotas de chuvia
y a los miles d’animales que s’encaman
ños sembraos
que veo en cada breya
baxo la mirada de los vuesos valores.

A los llombos que facen que güei estea eiquí
intentando pescar las lletras
ñu tinteiru de tierra
que vasoutros sembrestes.
A cada pucheiru de sopas d’ayu.
A cada rabanada de pan caliente n’enviernu
somorguiada ñu cuencu de la lleite
que sacádes todos y cada unu de los días
d’ese ganáu que foi
la nómina de los mious estudios.

A cada café con braseiru y palabras,
a cada unu de los instantes que sacades pa mina
y a cada meta peleada cumo m’enseñestes,
sabiendo que’l fracasu nu yía opción.

A todo esto se debe, que cuando me preguntan
en qué espeyu me miro, respuendo:
En mious pás y mious gulicos.

Tintero de tierra/ Tinteiru de tierra (edición bilingüe español/llionés),
Abel Aparicio González
Lobo Sapiens, Llión 2011

http://www.youtube.com/watch?v=-nKkn8KL0yc

http://www.diariodeleon.es/noticias/noticia.asp?pkid=600497

Anuncios

Un pensamiento en “Tinteriu de tierra, d’Abel Aparicio González

  1. Un llibru pa celebrar el Día de les Lletres d’un mozu y prometedor poeta llionés comprometíu cola sua tierra, la sua xente y los sous ideales, que, con xente como Abel, nunca quedarán baxo tierra.

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s