Breve hestoria d’un gamusinu, de Xosepe Vega

xv-gam.jpg

A las poucas semanas de que chegara a las llibrerías Epífora y outros rellatos Xosepe Vega, publica una nueva obra narrativa onde cambia dafeitu de rexistru. Breve historia d’un gamusinu ye una novela curtia que se puede crasificar cumo lliteratura fantástica inspirada na tradición llionesa non solo pol protagonista, senon pola riestra de personaxes que vemos desfilar pola obra y que pertenecen al imaxinariu popular de la nuesa tierra. Mesmamente la estructura narrativa reproduz los esquemas de ciertos cuentos populares maravillosos, en concretu aquellos que tratan d’un viaxe inicáticu onde’l protagonista vai superando pruebas imposibles. Pero’l  gamusinu nun anda a la busca d’una princesa, un tesouru o un llugar encantáu, el gamusinu protagonista, el ser menos caraterizáu de la mitoloxía llionesa, vai definiendo la contorna de la sua personalidá, y, poro, afitando la sua esistencia, gracias al sorprende viaxe que fai.

Vega esplora con resultáu sobresaliente las posibilidades espresivas de la llingua, pero tamién reellabora y dignifica la tradición mítica de Llión pa devolvenos un llibru que convierte n’esquisita lliteratura lo qu’hasta agora yera casi esclusivamente cultura oral.

Pa mi que llevo años obsesionáu colas tradiciones llionesas relacionadas colas misteriosas vieyas que viven nas cuevas de los montes de Llión, cola vieya del arcu, y colos secretos qu’escuenden los filandones y seranos del nuesu país, el siguiente fragmentu ye cenciellamente maxistral:

 

“La filandera recibiéume mui amable. Yá nun me sosprendiéu el sou oldéu cona llavandera del rieu, nin cona vieya del arcu. En verdá, esperábalo.
Ascueitóu con mueita atención toda la mía recalcada hestoria y hasta me fixo dalgunas observaciones mui interesantes. Despuéis díxome:
—Ñun hai ñengún problema. Percanciéi muito bien lo que precisas, asina qu’agora mesmo me pongo a traballar.
Garróu la súa rueca, una estrafalaria máquina con una enorme rueda no centru, y escomenzóu a facer filu y más filu. You pañaba lo filao y trenzábalo, emplegando tres cabos de filu a la ve. Asina, hora tres hora y día tres día, construyimos una fuerte y llarguísima lluria capaz a albondar las ñubes.
Enduvelléi la lluria, carguéila con mueitu esfuerciu al carrapuchu y volví deseguidina al arcu de colores, deixando a la filandera faciendo más y más filu.
—Vai facer falta muitu más filu pa outros… —ouyíla dicir de la que marchaba.
Xunto al arcu d’iris las mías amigas las llavanderas echóronme  una manu outra vuelta. Garroron conas súas pequeñas patas un cabu de la lluria y  voloron mui mui alto, por cima d’aquel enorme y maxestuosu arcu. Con una gran estirafola devolóronlu y despuéis soltoron el cabu, deixándolu cayer hasta’l suelu. Anestoncias, recoyílu y empatéilu col outru estremu faciendo un ñuedu corredizu. Tiréi despuéis de la lluria y pouco a pouco’l llazu acabóu añodándose na cima de l’arcada. Peguéi asicasí tres ou cuatro tirones pa comprobar la súa estabilidá y dispúxime desiguida a engarriar por ella hasta arriba del todo.”

Anuncios

Un pensamiento en “Breve hestoria d’un gamusinu, de Xosepe Vega

  1. Ye un llibru mui prestosu, you merqeilu´l vienres y yá lu tengu lleíu. Resulta qe you diba dende Llión aú stó studiandu pa Bembibre onde vivu, y´anestoncias alcurdeime de q´habíe a pasame pola llibrería filandón y anestóncias camudéi d´autobús y fuíme p´Estorga peru chegei tarde y yá taba puostu´l cartelu de pecháu. M´entretuvi un intre a mirare´amosador y saqéi-y un afotu al rétulu y anestóncias fúi dacuandu pescancié de q´entá habíe lluz aillí dientru, calqéi nel timbre y lluéu m´abrionun, y encuantas s´asomonun a la puorta m´atendionun; funun mu amables cunmiéu lu qe ye d´agradecere n´aqestos díes. Respeutu al llibru: enxamás lliera cousa qe axuntare al mesmu tiempu llingua, fantasía ya filosofía, ya inclusu dalgu de buona humore. Qedéi bien satisfeichu cona atención qe receví na tienda cumu cona lleutura d´esti llibrín tan guapu qe ye una pena qe se faiga tan curtiu dientru de ná pasaréime si atopu´n intre pa merca-ys outru llibru a aqestos buonos paisanos

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s