Epífora y outros rellatos, llibru de Xosepe Vega

xv-ep.jpg

Hai llibros a los que’l tiempu, la crítica o los llectores acaban dando la categoría de fundacionales porque foron niciu d’una época nueva pa las suas respectivas lliteraturas y n’ocasiones tamién pa las llinguas que-ys sirvieron de vehículu. N’España tenemos exemplos cercanos n’obras cumo Cancios y poemes pa un riscar (1977), de Manuel Asur, que ye consideráu cumo’l primer llibru del Surdimientu asturianu, o’l reivindicativu No deixez morir a mia boz (1972), del aragonés Ánchel Conte, un llibru, colas suas virtudes y defectos, fascinante.

Esti ye’l casu pa las lletras llionesas na nuesa llingua del llibru Epífora y outros rellatos, de Xosepe Vega, qu’está acabante de publicase, y esto dígolo con tódolos respetos pa outros autores y obras anteriores. Vega confirma felizmente con Epífora el sou llabor lliterariu tímidamente anunciáu cola sua participación en volúmenes colectivos y concursos lliterarios. El llibru axunta seis narraciones resueltas con oficiu y elegancia nun asturllionés que s’apoya na variedá baxo-cabreiresa de la llingua empreada con verosimilitú y xeitu. Hai que destacar el relatu final, “La grieta”, una narración ambiciosa de mediana estensión (son casi setenta páxinas) que recuerda l’estilu de José María Merino por esa combinación creíble de lo real y lo fantástico nun ambiente cotidianu y con un escenariu llionés de fondu. Güei Epífora y outros rellatos ye pa mi el llibru más bellu del mundu.

“N’oucasiones, creo, hai llibros, novelas, cuentos ou poesías, y tamién cantares ou melodías que consiguen, quisióu si por dalgún tipu de razón máxica, convertir la emoción perticular nuna emoción colectiva. Nun séi si m’esplico… Unu puede ller una novela ou un poema y emocionase fondamente, pero puede qu’esi sentimientu nunca nun trespase las súas propias fronteras interiores. Y crouque da igual el númaru de personas a las que-ye pase lo mesmu, eso nun la convierte nuna emoción colectiva. Ye más, cuido que por mui multitudinaria que chegue a ser una emoción individual, y por tanto secreta, nunca asganzará la intensidá d’una emoción compartida… Precisamente peme qu’esti llibru permite compartir emociones. Con aquellas personas a quien-yes lu recmendéi, depuéis siempre pudi compartir la emoción de la súa llectura…”

Epífora (fragmentu), n’Epífora y outros rellatos, de Xosepe Vega. Llibros Filandón , Estorga, 2008.

Anuncios

2 pensamientos en “Epífora y outros rellatos, llibru de Xosepe Vega

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s