La basílica paleocristiana de Marialba de la Ribera: enigmas y abandonos

marialba-3.jpg

La importancia de las ruinas del templu del siegru IV asitiáu nel llugar de Marialba de la Ribera, a poucos kilómetros al sur de la ciudá de Llión, ye bien conocida. Antonio Valbuena González diz que’l templu pudo estar n’usu hasta’l siegru XVI momentu nel que, pa evitar la busca de reliquias, foi esbarrumbáu adréi y recubiertu con tierra hasta formar un pequeñu túmulu que foi chamáu na zona “el cerro de la iglesia vieja”. En 1890 Ignacio Arredondo fai un escavación provisional ehí y descubre las ruinas de la igresia paleocristiana, pero volvíu a anubrir los restos con tierra. D’esta escavación provisional da breve noticia Gómez Moreno nel sou Catalogo Monumental de la Provincia de León (1925). Nos años 60 del pasáu siegru l’Institutu Arqueolóxicu Alemán con Hauschild cumo director de la escavación cola collaboración, ente outros, d’Antonio Viñayo fizo’l trabayu más importante d’escavación arqueolóxica y análisis de los datos. La publicación provisional de los resultaos fízose ente 1968 y 1970, pero tovía quedan muitas cousas por dicir sobre’l templu paleocristianu de Marialba, por exemplu, la sua posible vinculación de Marialba con una villa romana de la que la igresia formaría parte. Esti ye’l filu d’investigación que sigue l’arqueólogu José Avelino Gutiérrez qu’esta mesma semana falóu d’esta cuestión nuna conferencia que dióu en Llión promovida pola asociación Pro Monumenta. Dixo Gutiérrez, afondando na tesis espuesta por Regueras Grande na pasada década, que las ruinas están venceyadas a una villa romana y qu’orixinalmente pudo ser un mausoléu priváu; a partir del siegru V el sitiu convirtíuse nun llugar de cultu y seique nun monesteriu que foi’l niciu de l’aldea de Marialba. Na Edá Media el llugar foi un cimenteriu. Poro, José Avelio Gutiérrez afirmóu que l’usu primeiru nun foi relixosu, lo que nun quita que Marialba seya l’emprazamientu d’una de las primeiras igresias llevantadas nel noroeste peninsular de lo que se deduz fácilmente’l sou valir históricu, relixosu, arqueolóxicu y artísticu que se reconocíu oficialmente en 1979 al declarase Bien d’Interés Cultural, que pa bien pouco valíu. Eso ya sin entrar en se las treces tumbas de ábside son de San Marcelo y los sous fiyos, los posibles oríxenes precristianos del templu, la presencia notable d’advocaciones de santos paleocristianos nos outros llugares aveiraos a Marialba… En 1990 Rollán Ortiz queixábase del abandonu de Marialba y facía comparanza con outra posible igresia paleocristiana cola que tien bien de semeyanzas, la de Veranes (Xixón, Asturias), la más evidente daquella yera l’olvidu d’estos dous yacimientos. Veleiquí l’enllaz al trabayu de Rollán Ortiz [“Marialba y Veranes. (Correspondencia entre dos basílicas paleocristianas)”, Tierras de León 79-80, 1990]:

http://www.saber.es/web/biblioteca/libros/tierras-de-leon/html/79-80/9marialba.pdf

Dende entoncias la situación de Marialba pouco cambióu, y solo l’interés, las denuncias y el llabor de l’asociación llionesa Pro Monumenta (que chegóu a convocar facenderas pa llimpiar y esbrozar las ruinas) ye la novedá que más rescampla. Gracias a esta entidá llevantóuse una valla pa protexer el sitiu y arrincóuse’l compromisu de la Deputación de facer eillí un muséu. Eso en 2005, pero de momentu nada, solo una notable permisividá a la hora de conceder llicencias pa construir naves industriales na zonas cercanas a Marialba onde las xentes del llugar atoporon restos d’outras edificaciones que pueden estar relacionadas colas ruinas de la basílica.

Pero la situación de la igresia de Veranes, o del Torrexón de San Pedro por respetar la denominación popular del sitiu, si que meyoróu: nos noventa entamoron los trabayos d’escavación arqueolóxica sistemática en socesivas campañas. Eiquí queda un enllaz onde se describen estos llabores y la sua importancia pa la conocencia d’una dómina bien escura de la historia peninsular:

http://www.mieres.uniovi.es/veranes/acceso.htm

pavimentu-veranes.jpg

Conscientes del valir de los descubrimientos l’añu pasáu inauguróuse’l Museo de la Villa Romana de Veranes, que pertenez a la rede de museos arqueolóxicos de Xixón ente los qu’estan el de La Campa Torres, o las Termas.

piscina-veranes.jpg

Se facemos comparanza cola situación llionesa ye pa chorar, nin valoramos a xeitu’l nuesu patrimoniu, nin sacamos beneficiu d’él y, cumo evidencia Marialba, n’ocasiones nin siquiera cuidamos d’él. Ye tan difícil imaxinar una rede de museos llioneses que lliguen la Villa Romana de Navatejera, cola olvidadísisma ciudá ástur-romana de Lancia, con Marialba o colos restos romanos de Llión-Legio: los Principia, la muria romano-medieval de la ciudá, las interesantísimas llábanas con inscripciones llatinas que duermen nel Muséu de San Marcos…

Veleiquí outru enllaz con información sobre Marialba:

 http://www.turismo-prerromanico.es/arterural/marialba/marialbaFicha.htm

 

Si, queda muito por dicir y por facer en Marialba, el llugar bien lo merez.

Anuncios

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s