Furmientu

mapa-zamoranu.gif

 

L’ asociación zamorana Furmientu lleva años faciendo cousas bien interesantes polas variedades zamoranas de la llingua. Trabayu y sentíu común son las claves d’un llabor bien feitu que bien parez. Con estos brimes ye fácil entender la espectación que llogran las suas actividades non solo en Zamora senón tamién en Llión y n´Asturias. Por cima de todo los amigos de Furmientu son buena xente, d’ una calidá humana qu´empieza a ser difícil de ver güei y que son de lo meyor que dióu´l movimientu de recuperación llingüísitica. Col sou llabor más que dignu dignifican pola sua vez a la propia llingua. Una de las muitas iniciativas que tienen en marcha ye la del concursu de vocabularios y toponimia, el mieu collazu Alfredo Hernández dame noticia de la entrega de premios del mentáu concursu, y, col sou permisu, reproduzo las suas palabras que tanto me prestoron:

 

“Esta tarde fuei la entrega de premios del II Concursu de vocabularios y toponimias. Convidamos a tolos participantes d’entrambas convocatorias pa dales un obsequiu, un llibru de traxes y tipos del reinu de Llión y un llibru d’antropoloxía de Rodríguez Pascual (los que mos donóu Caja España). Pa los gañadores d’este añu houbo un lote más llocíu de llibros.

Bueno, al final la cousa salíu mui bien. Vinieren trece concursantes (convidáramos a trenta) y más los gañadores d’este añu. La xente quedóu mui contenta y despuéis houbo un coloquiu mui animáu, la xente falóu mucho y sintimos cousas cumo que la mayor parte de la xente recoñez las nuesas falas cumo una llengua diferente del castellanu (mesmo los que son de llugares onde hai tiempu que nun se fala llionés, curiosamente), qu’hai xente con gana d’escribir na fala (una concursante senabresa que quedóu finalista los dous años, díxonos que presentóu un cuentu en senabrés pal certame de La Caleya)…Tamién fecimos dous socios nuevos, la muyer senabresa que te digo y Claudino, el gañador d’este añu na modalidá de vocabularios. El gañador de toponimia, Manolo Manzanas, de Trabazos (Aliste) llevóu el premiu de vocabularios l’añu pasáu y vai tiempu que ye sociu. Entrambos dixieron unas palabras al recoyer el premiu diciendo maravillas de Furmientu y el sou llabor, y sobre todo falaron del orgullu y el cariñu que tiene pola fala y la cultura de la nuesa tierra.

Había xente de tolas crases: el gañador, Claudino, de Samil (Aliste) que ye un policía que trabaya nel País Vascu, Lisardo Garrote, de Luelmo (Sayago), paralíticu, que recoyíu’l premiu en siella ruedas, Cristina Galván, una rapacica d’once años de Torregamones (Sayago), que contóu que falaba en sayagués cuando diba al puebru pero que na escuela en Zamora tenía vergüenza… La verdá que fuei mui emocionante. “

Anuncios

Un pensamiento en “Furmientu

  1. Ye prestosu ver l’alitar del nuesu idioma en tol territoriu de la vieya nación de los Astures,la llingua,los vezos,la Hestoria ya’l territoriu…..xuntos ,sedríemos una nación española,fuerte,con pesu……..ya non lo que somos agora…..la risión del restu L’Estáu.ASTURIES YA LLIÓN,ESA YE LA NUESA NACIÓN.

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s