El llionés antias de 1906 (I)

riberenos.jpg

Acaban de publicase las actas del simposiu sobre’l llionés celebráu vai dous años en Llión n’alcordanza de la obra inaugural de los estudios de filoloxía llionesa. El llibru, tituláu Ramón Menéndez Pidal y El Dialecto Leonés (1906-2006), [Salamanca, Instituto de la Lengua Castellano y Leonés, 2007] ye una espléndida contribución a los estudios sobre’l nuesu patrimoniu llingüísticu dende muitas perspectivas, pero interesa destacar l’aportación del Catedráticu de la Universidá de Llión José Ramón Morala: “Sobre la génesis del concepto de leonés en filología”, onde estudia l’usu del términu “leonés” dende’l puntu de vista llingüísticu antias de la conocida obra de Pidal. Las conclusiones a las que chega’l señor Morala, aportando datos y argumentos a esgaya, son la práctica inesistencia de referencias a la voz “leonés” cumo glotónimu que designe una forma de falar diferente del gallegu o del castellanu hasta que Ramón Menéndez Pidal publica El dialecto leonés, cola precisión de que nel siegru XIX empiezan a recoyese referencias al llionés n’alusión casi siempre a la llingua medieval conservada na documentación del Vieyu Reinu. Tampoucu constata Morala l’empréu popular de la voz “leonés” ya que cuando comenzoron las encuestas y estudios llingüísticos sobre’l llionés siempre aparecen denominaciones locales: pal.luezu, alistanu, senabrés, etc. Sicasí, hai outros testimonios sobre la realidá llingüística llionesa que, sin contradicir la tesis espuesta por José Ramón Morala, matizan dalgo las suas observaciones. Vamos a apurrir unas poucas referencias d´entre los siegros XV al XIX, anque esisten más, que tienen interés pa valorar la percepción del llionés antias del sou estudiu científicu siguiendo’l filu qu’inicióu Alfredo Hernández na sua nota “L’asturllionés amentáu na Edá Moderna”, El Llumbreiru 9 (2007).

Emprincipiamos pol rabinu Mosé Arragel de Guadalajara que nel prólogu de la sua traducción de la Biblia al castellanu dende l’hebréu, rematada en 1430 y conocida cumo la Biblia de Alba, diz:

“Por las letras e por modos de órganos (…) en Castilla sean cognoscidos leoneses e sevillanos e gallegos.”

José Luis Pensado señala que la mención a “letras” y a “modos de órganos” hai que la entender a sones y acentos respectivamente, ye dicir, en Castiella los llioneses, andaluces y gallegos yeran reconocíos pola sua forma de falar, diferente de la castellana, anque’l testimoniu ye un tanticu confusu.

Nel siegru XVII l’historiador gallegu y galleguista Felipe de la Gándara (1596-1676) apuntóu na sua obra póstuma El cisne occidental (1678):

“(…) son muy parecidos en los trages, en las costumbres, en los modos de beneficiar sus frutos y sus ganados, en los edificios de sus viviendas y aun en sus templos, y sin embargo tienen diversos modos de hablar los montañeses leoneses, que los de Asturias, y estos distinta lengua de los gallegos, y los gallegos de los lusitanos o portugueses, que aun todos hablan la lengua Española pero tienen diversos dialectos y se diferencian unos de otros.”

Esta referencia tien muitu interés ya qu’equipara esplícitamente la entidá de la fala de los “montañeses leoneses” cola d´asturianos, gallegos y portugueses. Pa valorar a xeitu esti testimoniu ye oportunu traer a colación las palabras del filólogu gallegu Ramón Mariño Paz que diz nel sou trabayu Historia da lingua galega (1998) qu’hasta’l siegru XVII estuvo estendida la idea de que na zona central y occidental de la Península había un ciertu monollingüísmu complexu (con variación diatópica interna) qu’autorizaba a falar indiscriminadamente de “lingua Hispánica”, “lyngoajee de Espana” o de “lengua vulgar de España” pa referise conxuntamente a variedades románicas cumo’l gallegu, el portugués, el llionés y el castellanu.

Anuncios

2 pensamientos en “El llionés antias de 1906 (I)

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s