¿Llionés o asturianu?

llibru.jpg

Reproduzo darréu unos poucos poemas que me rondan l´alma dende hai años. Deixo pa outru post l´autoría, pero fago agora esta pregunta ¿tán escritos en llionés o n´asturianu?

I.

Nu corredor de tarde
Cuandu xa el sol ta puestu
De bruces na baranda
Calladamente quedu,
Mirandu pa bien llonxe

Pula carril sin veras
Del fondu firmamentu,
Cruciandu van las nubes
Su´l invisible cielu,
Que más velau cun ellas
Miyor atrai lus ueyus

Mirandu tóu nu escuru
Dese altu mar inmensu,
Ya´l corazón queixosu
De afán ya pena chenu,
Cul sou Amor que calla
Falandu ta en sielnciu.

II.

Tua mai
filaba
nas nueites d´iviernu
carpinos de lluna
pa homes metálicos.

Tua mai
-árgoma encesa-
enrestraba al alba
suaños de manteiga.

III.

D´ese cielu de campesinos trouxe l´azul, l´azul frescu del llinu, l´azul blancu. Eiquí lu tendu, onde la nueite ía más dura (exactamente comu outrora na ribera muyeres antiquísimas tendían la roupa nas piedras de la mañana) ya n´él m´adeitu. Si you pudiera, comu ellas, agora durmir tranquilu, la xera cumplida.

IV.

Quieru arrubare el tiempu que nos venga,
revivire el pasáu pa nun deixá-me muertu.
Sos anueite, sos huei, sos todu pur manera,
purque tolu algamas ya mudelas.
Tengu d´amare aquellu que tu amas
Purque la tua sonrisa fái-lu más amábile,
que pur ti safan-se-me lus días
cumu vientu cuchíu ente las manus.

V.

Pol ventanu
de los recuerdos
entran los paxarinos
de los mieus sueños;
a veces pienso
que son lluceiros,
outras páxaros negros
de los iviernos.

VI.

Nueite de reis.
Despierto na clara nueite iverniza.
Si la mucedá nun fuxera,
si los anos nun agustaran,
serías,
el eternu,
el tebiu suenu
d´una MUYER.

Anuncios

8 pensamientos en “¿Llionés o asturianu?

  1. Lo importante ye la conciencia de pertenecer a un mesmu dominiu llingüísticu y potencialu ensin escaecer la la xente que fala mirandés.
    Tolo que s’avance per esti camín va dir, de xuro, en beneficiu de toos.
    La pallabra más afayadiza nos posibles conceyos interterritoriales pue que seya “asturlleonés”. Pero nun tenemos que ser tan curtios de mires como pa engardinos por cuestiones de denominación.

  2. Son unos poemas bien furmosos, gustánonme mucho. Nun los coñecía, ¿son inéditos?. Anda, Nalluna, dinos el nome de l’autor que you rabio por sabelu.

  3. I. Fernán-Coronas, Poesía asturiana y traducciones (1993).
    II. Taresa Lorences, El son de los picaportes (1996)
    III. Eugenio de Andrade, Memoria doutro rio, traducción d´Antón García: Memoria d´outru ríu (1983)
    IV. Sabela Fernández, Ayundes (1983)
    V.Nené Losada, El nome de las cousas (2001)
    VI. Sabela Fernández, L.luz d´amanecer (2000)

  4. Engañóume el velos toos xuntos, cuntaban que yeran del mesmu autor anque había cousas que nun me casaban. Agora si que caigo na cuenta de que coñecía el primeiru y el últimu.

  5. Tán n’asturlliones oucidental, el dialeutu que tinia de sirvir de base a la normativa de l’ALLA por muitas razones, la fondamental, que iá’l mas estendíu con infinita diferencia. Ya esto dilo un asturianu, que coste…Outra miente, falar d’asturianu ya llionés como cousas distintas nun me paez que tenga muito xeito, el pal.luezu ia asturianu ou l.lionés? A que sumea más la fala de L.lubarca, a la de Senabria ou a la de Llanes? Hai qu’axuntar, nun separtar, home.
    Por cierto, mui guapu’l blog…

  6. Xardoneiru: la pregunta yíe retórica. Precisamente la entención de Na-lluna yíe esa mesma, amostrar que nun se pué falar de llionés y asturianu cumo llenguas diferentes, en realidá tampouco cumo dialeutos o variantes (los dialeutos y variantes son outros: occidental, central, oriental, pal.luezu, cabreirés, mirandés…).Lo ciertu yíe que llingüísticamente asturianu y llionés son lo mesmo, son dous glotónimos que se refieren a la mesma llengua.

  7. Gracias amigos. Nel debate sobre’l nome de la llingua piérdese la perspectiva de la penosa situación de la llingua en Llión, que ye’l gran problema.

Responder

Por favor, inicia sesión con uno de estos métodos para publicar tu comentario:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s